Kwamitin amintattu (BoT) na jam’iyyar PDP ya fara gudanar da wani zama na gaggawa a Abuja.
Duk da cewa ba a bayyana abinda za a tattauna a taron ba, rahotanni sun nuna cewa halin da jam’iyyar ke ciki da kuma shirin gudanar da taron NEC za su kasance a kan gaba.
Idan za a iya tunawa, rikicin shugabanci ya lullube PDP, sannan akwai batun matsala da ake samu tsakanin gwamnan jihar Rivers, Siminalayi Fubara da Ministan Abuja, Nyesom Wike.
