Gwamnati za ta shawo kan cutar HIV/AIDS tsakanin jarirai
2 years ago 1 min read
Share:
An gudanar da wani taron masu ruwa da tsaki a safiyar Talata kan cuta mai karya garkuwar jiki a Abuja.
Hukumar dakile yaduwar cutar ce ta shirya taron kan yadda za a shawo kan yaduwar cutar daga uwa zuwa jarirai.
Masana da dama sun gabatar da makaloli a wajen taron. inda suka yi kira ga al’umma da su gujewa dabi’ar nan ta nuna kyama ga masu dauke da cutar.
Wata kididdiga ta majalisar dinkin duniya ta ce sama da mutane miliyan 43 ne suka rasa ransu sanadiyyar cutar a fadin duniya
A jawabinta babbar daraktar hukumar dakile yaduwar cutar a Najeriya, Dr Temitope Ilori ta bayyana irin matakan da iyaye mata zasu dauka domin tabbatar da cewa sun haifi jarirai lafiyayyu.
Wani bincike ya tabbatar da cewa sama da mutane dubu 42 ne ke mutuwa sana diyyar cutar. Kasar nan, a 2023 kadai, yara dubu 15 ne aka ce sun rasu sanadiyyar lalurorin dake da dangantaka da cuta mai karya garkuwar jiki.
An dai yi addu’oi na musamman domin tunawa da wadanda cutar tayi ajalinsu a Najeriya
Lahadin data gabata 1 ga watan Disamba 2024 aka yi bikin ranar cuta mai karya garkuwa jiki ta duniya.
