SUBEB zata kwace kantunan jikin makarantu da basa biyan kudin haya
2 years ago 1 min read
Share:
Hukumar ilimin bai daya ta jihar Kano (SUBEB) ta ce zata kwace shagunan dake jikin makarantun da dake karkashinta wadanda basa biyan kudin haya.
Shugaban hukumar Yusuf Kabir, ne ya bayyana haka a hedikwatar hukumar ranar Laraba.
Yusuf Kabir, ya bukaci wadanda ake bi bashin kudin hayar daga shekarar 2019 zuwa 2023 su hanzarta biya nan da karshen watan Disamba kafin hukumar ta dauki mataki a kansu.
Ya kuma nuna damuwa dangane da wadanda suka mallaki kantuna fiye da shekaru ashirin amma basa biyan kudin haya.
Ya ce da kudin da suke biya ne makarantun suke gudanar da kananan gyare-gyare da sauran harkokin gudanarwa.
Shugaban hukumar ta (SUBEB), Ya ce hukumar a shirye take ta dauki matakin da ya kamata akan duk wanda aka samu da rashin bin doka.
