Shugaba Tinubu ya yi sabbin nade nade
Shugaba Bola Tinubu ya tura wa majalisar dattawa jerin sunayen mambobin sabon kwamitin gudanarwa na hukumar cigaban Arewa maso Yamma domin amincewa, yayin da ya kuma nada Hon. Emeka Atuma a matsayin shugaban hukumar C’cigaban Kudu maso Gabas.
A cikin jerin sunayen da aka tura wa majalisar dattawa a karshen Satumba 2024, shugaba Tinubu ya nada Ambasada Haruna Ginsau a matsayin shugaban kwamitin gudanarwa na hukumar cigaban Arewa maso Yamma.
Sannan kuma ya zabi Sanata Tijani Yahaya Kaura da Hon. Abdulkadir S. Usman a matsayin mambobi.
Sai dai, an canza sunayen wadannan mutane, inda aka maye gurbin su da Ja’afar Abubakar Sadeeq da Yahaya Aminu Abdulhadi, yayin da shugaban sabon kwamitin ya zama Alhaji Lawal Samai’la Abdullahi.
Farfesa Abdullahi Shehu Ma’aji ya ci gaba da rike mukamin darekta janar na farko da shugaban hukumar.
Sauran mambobin kwamitin da ke cikin jerin na farko sun hada da Dr. Yahaya Umar Namahe, Yahaya Aminu Abdulhadi, da Injiniya Muhammad Ali Wudil, Shamsu Sule, Nasidi Ali da Aminu Suleiman.
A cewar sanarwar da mai magana da yawun shugaban kasa, Bayo Onanuga, ya fitar ranar Juma’a, bayan karbar jerin sunayen farko na shugaban kasa, majalisar dattawa za ta gyara dokar cigaban Arewa maso Yamma domin samar da damar kara mambobi daga sauran yankunan kasar.
Shugaba Tinubu ya yi sabbin nade nade
