Rundunar Yan sandan Zamfara ta tabbatar da mayaƙan Lakurawa ne suka dasa bom ɗin da ya halaka matafiya a yankin Ɗansadau dake Jihar.
Rahotanni sun tabbatar da sau biyu bama-baman ɗin da ake zargin ’yan ta’adda ne suka dasa suka fashe, Majiyar ta ce wata motar haya da ke tafiya a ƙauyen ’Yar Tasha a kan hanyar zuwa yankin Ɗansadau a safiyar ranar Laraba.
Kwamishinan ’Yan Sandan Jihar Zamfara, Muhammad Shehu Dalijan, ya tabbatar da harin ga mamema labarai amma ya ce mutum guda ne ya rasu, a yayin da wasu uku suka samu raunuka bayan motar ta bi ta kan abin fashewan da aka dasa a ƙarƙashin wata gada.
Dalijan ya ce, “binciken farko ya gano cewa Lakurawa ne suka dasa bom ɗin. Yanzu so suke su tsere daga Zamfara zuwa Birnin Gwari saboda takura musu da jami’an tsaro suka yi.”
