Kungiyoyin farar hula sun nuna rashin gamsuwa da yunkurin kafa sabbun jihohin
Kungiyoyin farar hula (CSOs) sun bayyana rashin gaisuwa da karuwar bukatun kafa sabon jihohin da Yan majalisa ke kawowa.
Inda a halin yanzu suka bukaci karin jihohi 10 a lokuta daban daban.
Daraktan zartarwa na Civil Society Legislative Advocacy Center (CISLAC), Auwal-Ibrahim Musa-Rafsanjani, ya ce masu fafutukar samar da karin jihohi sun kasa samar da shawarar yadda za’a bunkasa tattalin arzikin kasa, a samar da kananan hukumomin da zasu dore, a fannin tattalin arziki da kuma ci gaba.
Musa-Rafsanjani ya ce ’yan siyasar da ke tayar da kayar baya a jihohin sun gano cewa hanya mafi sauki da za su iya “wawashe dukiyar kasar nan ita ce lokacin da suke da wadannan jahohi da kananan hukumomi na bogi inda kawai za su ci gaba da wawure dukiyar al’umma ba tare da an tantance su ba”
DAILY POST ta ruwaito cewar a halin yanzu akwai kudirin kafa jihar Tiga daga jihar Kano sannan akwai kudirorin kafa jihar Adada.
Hakazalika, a majalisar wakilai akwai kudirorin doka don samar da jihar Etiti daga jihohin Abia, Anambra, Ebonyi, Enugu da Imo da kuma jihar Okura daga jihar Kogi sun tsallake karatu na biyu.
Idan kudirorin suka yi nasarar zama doka, Najeriya za ta samu jihohi 46 a karon farkon a karkashin tsarin mulkin farar hula.
Kungiyoyin farar hula sun nuna rashin gamsuwa da yunkurin kafa sabbun jihohin
