Kano: Sabon mataimakin sufeton yan sanda ya kama aiki
Sabon mataimakin babban sufeton yan sanda mai lura da shiyya ta daya dake Kano ya kama aiki.
Wata sanarwa da kakakin shiyyar, CSP Bashir Muhammad ya rabawa manema labarai a Laraba, tace an nada AIG Ahmad Ammani Malumfashi a matsayin mataimakim sufeton yan sanda mai lura da shiyya ta daya da ta kunshi Kano da Jigawa.
AIG Ammani ya kasance mutum na 25 da ya hau wannan mukami, an haifesbi a ranar 11 ga watan mayun 1965 a garin Malumfashin jihar Katsina, kuma yayi karatunsa na firamare da sakandire a nan Kano.
Ya halarci Jami’ar Bayero a shekarar 1984 inda ya samu digiri a fannin aikin lauya, daga bisani ya yi karatun digiri na biyu a Jami’ar Ahmadu Bello dake Zariya a 2010.
Ya taba zama kwamishinan yan sandan jihar Enugu a 2022.
Kwamishinan yan sanda Kano, CP Salman Dogo Garba ya kai masa ziyarar maraba tare da tabbatar da hadin kan daukacin jami’an rundunar dake Kano domin samun nasarar abinda aka sa a gaba.
Sanarwa tayi kira ga al’ummar jihar Kano ta bada hadin kai wajen tsabtace jihar daga batagari
Kano: Sabon mataimakin sufeton yan sanda ya kama aiki
