Hukumar jin dadin Alhazai ta Kano ta raba diyar Miliyan 375 ga alhazan Hajjin 2023

Hukumar jin dadin alhazai ta jihar Kano ta raba sama da naira miliyan 375 ga maniyyatan jihar Kano da suka halarci aikin hajjin shekarar 2023.

Hukumomin kasar Saudiyya ne suka ware wannan diyya ta hannun hukumar alhazai ta kasa NAHCON, saboda matsalar wutar lantarki da aka samu a aikin hajjin 2023 a Mina.

A cewar Darakta Janar na Hukumar Jin Dadin Alhazai ta Jihar Kano, Alhaji Lamin Rabi’u Danbappa, alhazai 6,146 daga Jihar Kano ne suka halarci aikin Hajjin shekarar 2023, inda kowannensu ya karbi Naira 61,080.

“Za a fitar da kudaden ne kai tsaye a asusun ajiyar maniyyatan, wanda jami’an cibiyar aikin Hajji na kananan hukumomi zasu lura da rabon”a cewar Lamin.

Ya kuma bukaci jami’an cibiyar alhazai na kananan hukumomin da su inganta siyar da kujerun aikin hajjin bana, inda ya nuna damuwarsu kan yadda ake samun karancin sayar da kujerun.

Hukumar jin dadin Alhazai ta Kano ta raba diyar Miliyan 375 ga alhazan Hajjin 2023